||Sundarakanda ||
|| Sarga 67||( Slokas in Gujarati )
हरिः ओम्
Sloka Text in Telugu , Kannada, Gujarati, Devanagari, English
સુન્દરકાણ્ડ.
અથ સપ્તષષ્ટિતમસ્સર્ગઃ||
એવમુક્તસ્તુ હનુમાન્ રાઘવેણ મહાત્મના|
સીતાયા ભાષિતં સર્વં ન્યવેદયત રાઘવે||1||
ઇદમુક્તવતી દેવી જાનકી પુરુષર્ષભ|
પૂર્વવૃત્ત મભિજ્ઞાનં ચિત્રકૂટે યથાતથમ્||2||
સુખસુપ્તા ત્વયા સાર્થં જાનકી પૂર્વમુત્થિતા|
વાયસઃ સહસોત્પત્ય વિદદાર સ્તનાંતરે||3||
પર્યાયેણ ચ સુપ્તત્વં દેવ્યંકે ભરતાગ્રજ|
પુનશ્ચ કિલ પક્ષી સ દેવ્યા જનયતિ વ્યથામ્||4||
પુનઃ પુનરુપાગમ્ય વિદદાર ભૃશં કિલ|
તતસ્ત્વં બોધિતસ્તસ્યાઃ શોણિતેન સમુત્ક્ષિતઃ||5||
વાયસેવ ચ તે નૈવ સતતં બાધ્યમાનયા|
બોધિતઃ કિલ દેવ્યા ત્વં સુખસુપ્તઃ પરંતપ||6||
તાં તુ દૃષ્ટ્વા મહાબાહો દારિતાં ચ સ્તનાંતરમ્|
અશી વિષ ઇવ ક્રુદ્ધો નિશ્વસન્ અભ્યભાષથાઃ||7||
નખાગ્રૈઃ કેન તે ભીરુ દારિતં તુ સ્તનાંતરમ્|
કઃ ક્રીડતિ સરોષેણ પંચવક્ત્રેણ ભોગિના||8||
નિરીક્ષમાણઃ સહસા વાયસં સમવૈક્ષથાઃ|
નખૈઃ સરુધિરૈઃ તીક્ષ્ણૈઃ તામેવાભિમુખં સ્થિતમ્||9||
સુતઃ કિલ સ શક્રસ્ય વાયસઃ પતતાં વરઃ|
ધરાંતરઃ શીઘ્રં પવનસ્ય ગતૌ સમઃ||10||
તતસ્તસ્મિન્ મહાબાહો કોપ સંવર્તિતેક્ષણઃ|
વાયસે ત્વં કૃથાઃ ક્રૂરાં મતિં મતિમતાંવર||11||
સદર્ભં સંસ્તરાદ્ગૃહ્ય બ્રહ્માસ્ત્રેણ હ્યયોજયઃ|
પ્રદીપ્ત ઇવ કાલાગ્નિઃ જજ્વાલાભિમુખઃ ખગમ્||12||
ક્ષિપ્તવાં સ્ત્વં પ્રદીપ્તં હિ દર્ભં તં વાયસં પ્રતિ |
તતસ્તુ વાયસં દીપ્તઃ સદર્ભોઽનુજગામ હ||13||
સ પિત્રા ચ પરિત્યક્તૈઃ સુરૈશ્ચ સમહર્ષિભિઃ|
ત્રીન્ લોકાન્ સંપરિક્રમ્ય ત્રાતારં નાધિગચ્છતિ||14||
પુનરેવાગતસ્ત્રસ્તઃ ત્વત્સકાશ મરિંદમ|
સ તં નિપતિતં ભૂમૌ શરણ્યઃ શરણાગતમ્||15||
વધાર્હમપિ કાકુત્સ્થ કૃપયા પર્યપાલયઃ|
મોઘમસ્ત્રં ન શક્યં તુ કર્તુ મિત્યેવ રાઘવ||16||
ભવાંસ્તસ્યાક્ષિ કાકસ્ય હિનસ્તિસ્મ સ દક્ષિણમ્|
રામં ત્વાં સ નમસ્કૃત્ય રાજ્ઞે દશરથાય ચ||17||
વિશૃષ્ટસ્તુ તદા કાકઃ પ્રતિપેદે સ્વમાલયમ્|
એવમસ્ત્ર વિદાં શ્રેષ્ઠઃ સત્ત્વવાન્ શીલવાનપિ||18||
કિમર્થમસ્ત્રં રક્ષસ્સુ ન યોજયતિ રાઘવઃ|
ન નાગા નાપિ ગંધર્વા ના સુરા ન મરુદ્ગણાઃ||19||
ન ચ સર્વે રણે શક્તા રામં પ્રતિ સમાસિતુમ્|
તસ્ય વીર્યવતઃ કશ્ચિત્ યદ્યસ્તિ મયિ સંભ્રમઃ||20||
ક્ષિપ્રં સુનુશિતૈર્બાણૈઃ હન્યતાં યુધિરાવણઃ|
ભ્રાતુ રાદેશ માજ્ઞાય લક્ષ્મણો વા પરંતપઃ||21||
સ કિમર્થં નરવરો ન માં રક્ષતિ રાઘવઃ|
શક્તૌતૌ પુરુષવ્યાઘ્રૌ વાય્વગ્નિસમતેજસૌ||22||
સુરાણામપિ દુર્દર્ષૌ કિમર્થં મામુપેક્ષતઃ|
મમૈવ દુષ્કૃતં કિંચિન્મહદસ્તિ ન સંશયઃ||23||
સમર્થૌ સહિતૌ યન્માં નાવેક્ષેતે પરંતપૌ|
વૈદેહ્યા વચનં શ્રુત્વા કરુણં સાશ્રુભાષિતમ્||24||
પુનરપ્યહ માર્યાં તાં ઇદં વચનમબ્રુવમ્|
ત્વચ્છોકવિમુખો રામો દેવિ સત્યેન તે શપે||25||
રામે દુઃખાભિભૂતે તુ લક્ષ્મણઃ પરિતપ્યતે|
કથંચિત્ ભવતી દૃષ્ટા ન કાલઃ પરિશોચિતુમ્||26||
અસ્મિન્મુહૂર્તે દુઃખાનાં અંતં દ્રક્ષ્યસિ ભામિનિ|
તાવુભૌ નરશાર્દૂલૌ રાજપુત્રૌ વનિંદિતૌ||27||
ત્વદર્શનકૃતોત્સાહૌ લંકાં ભસ્મીકરિષ્યતઃ|
હત્વા ચ સમરે રૌદ્રં રાવણં સહબાંધવમ્||28||
રાઘવસ્ત્વાં વરારોહે સ્વાં પુરીં નયતે ધ્રુવં|
યત્તુ રામો વિજાનીયાત્ અભિજ્ઞાનમનિંદિતે||29||
પ્રીતિસંજનનં તસ્ય પ્રદાતું ત્વ મિહાર્હસિ|
સાભિવીક્ષ્ય દિશઃ સર્વા વેણ્યુદ્ગ્રથન મુત્તમમ્||30||
મુક્તાવસ્ત્રાદ્દદૌ મહ્યં મણિમેતં મહાબલ|
પ્રતિગૃહ્ય મણિં દિવ્યં તવ હેતો રઘૂદ્વહ||31||
શિરસા તાં પ્રણમ્યાર્યાં અહમાગમને ત્વરે|
ગમને ચ કૃતોત્સાહં અવેક્ષ્ય વરવર્ણિની||32||
વિવર્થમાનં ચ હિ મામુવાચ જનકાત્મજા|
અશ્રુપૂર્ણમુખી દીના ભાષ્પસંદિગ્ધભાષિણી||33||
મમોત્પતનસંભ્રાન્તા શોકવેગસમાહતા|
હનુમન્ સિંહસંકાશા વુભૌ તૌ રામલક્ષ્મણૌ||34||
સુગ્રીવં ચ સહામાત્યં સર્વાન્ બ્રૂયા હ્યનામયમ્|
યથા ચ સ મહાબાહુઃ માં તારયતિ રાઘવઃ|
અસ્માદુઃખાંબુ સંરોધાત્ ત્વં સમાધાતુમર્હસિ||35||
ઇમં ચ તીવ્રં મમ શોકવેગં
રક્ષોભિરેભિઃ પરિભર્ત્સનં ચ|
બ્રૂયાસ્તુ રામસ્ય ગતસ્સમીપમ્
શિવશ્ચ તેઽધ્વાસ્તુ હરિપ્રવીર||36||
એતત્ત વાર્યા નૃપરાજસિંહ
સીતા વચઃ પ્રાહ વિષાદપૂર્વમ્|
એતચ્ચ બુદ્ધ્વા ગદિતં મયા ત્વમ્
શ્રદ્દત્સ્વ સીતાં કુશલાં સમગ્રામ્||37||
ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાણ્ડે સપ્તષષ્ટિતમસ્સર્ગઃ||
|| Om tat sat ||